Оқ уй Москва ва Киев ўртасида жиддий музокаралар жараёни учун зарур бўлса, Россияга нисбатан санкцияларни юмшатишга тайёр, деди АҚШ Давлат котиби ўринбосари Виктория Нуланд Конгресс Сенатининг ташқи алоқалар қўмитасидаги тингловда. Унинг сўзларига кўра, Россия қўшинлари мавжуд чекловларни юмшатиш учун Украина ҳудудини тарк этиши керак.
Аввалроқ Франция, Германия, Нидерландия, Испания, Белгия ва Португалия Брюсселни Россияга нисбатан чекловларни озиқ-овқат ва ўғит етказиб беришга халақит бермаслиги учун ўзгартиришга чақирган эди. Уларнинг фикрича, Европа Иттифоқи Россия билан қишлоқ хўжалиги бўйича келишувларга АҚШ ва Буюк Британияга қараганда қаттиқроқ муносабатда бўлади, бу эса Европа Иттифоқининг озиқ-овқат хавфсизлиги соҳасидаги умумий сиёсатига зиддир. Шунингдек, озиқ-овқат инқирози оқибатларига дуч келган Африканинг бир қанча давлатлари Европа санкцияларига қарши чиқди.
