Унинг адвокати Абдухолиқовнинг соғлиғи ёмонлашгани сабабли ишни кўриб чиқишни бошқа кунга қолдиришни сўради, деб хабар қилди Sputnik Ўзбекистон мухбири. Суд унинг талабини қаноатлантирди.
Коррупцияга қарши курашиш агентлиги Кинематография агентлиги томонидан шартномалар тузилишида ва давлат субсидияси маблағларининг тақсимланишида манфаатлар тўқнашувига йўл қўйилгани ҳолатларини аниқлади.
Бош прокуратура агентлик тақдим этган ҳужжатларни ўрганиб чиқиб, Фирдавс Абдухолиқовга нисбатан маъмурий ҳуқуқбузарлик тўғрисида иш қўзғатилди.
Суд мажлисининг кейинги санаси ҳақида қўшимча маълумот берилади.
