Коронавирус пандемияси кўплаб иқтисодиёт тармоқлари қатори нефт нарxининг пасайишига сабаб бўляпти. Бу эса энергия компаниялари молиявий кўрсаткичларининг кескин ёмонлашишига олиб келди.
Дунёдаги энг йирик нефт-газ корпорацияларидан бири бўлган Франциянинг «Total» компаниясининг жорий йил биринчи чоракдаги соф фойдаси ўтган йилнинг шу даврига нисбатан 99 фоизга, яъни 3 миллиарддан 34 миллион долларгача камайди. Бундан ташқари бошқа нефт компанияларида ҳам иқтисодий пасайиш кузатиляпти. Испаниянинг “Repsol” компанияси xабарига кўра, биринчи чоракда нефт нарxи ва талабнинг пасайиши туфайли 487 миллион евро зарар кўрилган. Ўтган йили ушбу давр мобайнида компания даромади 600 миллиондан кўпроқни ташкил қилган эди.
