Германиянинг “German Sparkassenstiftung for International Cooperation” вакиллари билан Олий ва ўрта махсус таълим вазирлигининг масъул ходимлари ўртасида учрашув бўлиб ўтди.

“German Sparkassenstiftung for International Cooperation” халқаро ҳамкорлик ташкилоти Германия Федератив Республикасининг Иқтисодий ҳамкорлик ва тараққиёт федерал вазирлигининг грант маблағлари асосида Ўзбекистон олий ва профессионал таълим тизимида ёшларни тадбиркорликка ўқитиш ва молиявий саводхонлигини ривожлантириш бўйича “Responsible Finance” (Масъулиятли молия) номли янги лойиҳанинг амалга оширилиши маълум қилинди.

Шу билан бирга молиявий саводхонлик ва тадбиркорлик кўникмаларини ривожлантириш, атроф муҳитга эътиборли бўлиш, ресурслардан оқилона фойдаланиш, иқтисодий тежамкорлик ва келажак учун ҳаётий кўникма ва билимларини ошириш бўйича семинар тренинглар ташкил этиш, таълим тизимининг ўқув методик таъминотини кучайтириш масалалари муҳокама этилди.
Учрашувда Олий ва ўрта махсус таълим вазирлиги билан “German Sparkassenstiftung ” халқаро ҳамкорлик ташкилоти биргаликда “Responsible Finance ” (Масъулиятли молия) лойиҳасини биргаликда амалга оширишга келишиб олинди.

Ушбу лойиҳа профессионал таълим тизимидаги ислоҳотларни қўллаб қувватлаган ҳолда тадбиркорлик ва молиявий саводхонлик бўйича янги билим ва тажрибаларни ўргатишда яқиндан кўмак беради.