Бир неча дақиқа аввал Сурхондарё вилоят ҳокими Тўра Боболов вилоят телеканали орқали аҳолига мурожаат билан чиқди. Мурожаатда келтирилишича, воҳада карантин қоидаларига риоя қилинмагани оқибатида эпидемиологик вазият кескинлашган.

Вилоят ташкилотларидан бирида ишловчи ходим Тошкент шаҳрига бориб келиб карантин талабларига риоя қилмагани туфайли касалликни бошқаларга ҳам юқтирган ва оқибатда у билан мулоқотда бўлган 300 нафардан ортиқ киши карантинга олинган. Бемор билан 9 кишида инфекция аниқланган.

Даволанаётганлардан 1 кишининг аҳволи ўта оғир, 2 нафариники ўрта оғир даражада бўлиб турибди.

“Шунингдек, туй ва маъракаларнинг белгиланган талаб бўйича ўтказилмаётганлиги оқибатида ҳам кўплаб фуқаролар карантинга олинмоқда.

Хусусан, Музработ туманида ўтказилган тўйда белгиланган карантин қоидаларига амал қилинмаганлиги туфайли бугунги кунда  250 нафардан ортиқ киши карантинга олинди.

Яна бир туманда фаолият юритиб келган муассасада ходимлардан бири сафарга бориб келиб карантин талабларига риоя қилмагани оқибатида жамоадошлари билан мулоқотда бўлган ва ҳозир 50 нафар корхона ходимлари карантинга жойлаштирилган.

Ҳозирги кунда вилоятда 4118 нафар фуқаро карантинга олингани келтириб ўтилди, вилоят ҳокими томонидан.

Шу билан бирга, жойларда кўряпмиз, айрим фуқароларимиз ниқоб тақмаяпти, жамоат транспортларига, яъни автобусларга керагидан ортиқ йўловчилар чиқишяпти.

Бундай мисолларни кўплаб келтириш мумкин.” деди вилоят ҳокими.

Шунингдек, воҳадошларимиз касалликни айнан қаерда, кимдан юқтирганлигини аниқлаш, касаллик манбаини топиш жуда қийин бўлаётганини алоҳида таъкидлаб ўтилди.

Ҳоким барча сурхондарёликларни касалликни биргаликда енгишда ҳамжиҳат ва эътиборли бўлишга даъват қилди.