Жадал комплекс ривожлантириш дастури доирасида Чортоқсой ва Катта Наманган канали қирғоқларининг 7 километри бетонлаштирилиб, 30 гектар ер фойдали майдонга айлантирилади.
Ҳудудда кўп йиллик боғлар билан уйғун ҳолда санаторий типидаги йирик сервис объектлари қурилади. “Чортоқ” сув омбори атрофида туризм комплекси, меҳмонхона, ресторан, дам олиш ва кўнгилочар масканлар ташкил этилади.
Шунингдек, Поп туманидаги Арашан кўли атрофида 1 200 гектар майдонда йилига 1 млн. сайёҳни қабул қила оладиган туризм комплекси барпо этилади.
