Венгрия Wizz Air авиакомпаниясининг эллик нафар стюардесса ва борт бошқарувчилари Будапешт аэропортида флешмоб уюштиришди. Улар ниқоб ва қўлқопларда аэропорт ҳудудида рақсга тушдилар.
Ушбу флешмоб ташриф буюрувчиларнинг кайфиятини кўтариш мақсадида ташкил этилди. Рейслар камайгани сабаб авиакомпания ишчилари ҳам кўпроқ бўш вақтга эга бўлишмоқда. Ҳозирда Wizz Air мунтазам авиақатновларининг 10-15 фоизини амалга ошириши мумкин. Йил охиригача 70 % қатновларни йўлга қўйиш режалаштирилмоқда. Компания ходимлари чекловларнинг юмшатилиши ва авиақатновларнинг ҳам кўпайишига умид билдирмоқда.
Айтиш керакки, пандемия шароитида ушбу авиакомпания бошқаларга қараганда анча барқарор фаолият олиб бормоқда. Давлатдан молиявий ёрдам сўрамаган бўлса-да, бироқ компания ҳаражатларни қисқартириш ва мингга яқин ишчиларни ишдан бўшатишга мажбур бўлди.
