Шотландиядаги Глазго университети ва Швециядаги Каролинска институти олимлари организмнинг биологик қаришини аниқлайдиган энг аниқ тестни ишлаб чиқишди.
Бу кашфиёт сурункали буйрак касаллигининг қариш жараёнига таъсирини ўрганиш чоғида амалга оширилган.
Янги тест эпигенетик соатдир. Ушбу биокимёвий баҳолаш ДНК таҳлилига асосланади ва инсоннинг ҳақиқий ёши паспорт ёшидан қандай фарқ қилишини кўрсатади.
Тадқиқот гуруҳи сурункали буйрак касаллиги бўлган 400 дан ортиқ, шу жумладан диализда бўлган ва орган трансплантацияси амалга оширилган беморлар, шунингдек, 100 га яқин назорат гуруҳидаги одамларни ўрганди.
Натижалар шуни кўрсатдики, сурункали буйрак касаллиги бўлган беморлар соғлом тенгдошларига қараганда тезроқ қарийди. Салбий таъсир ҳатто диализ билан ҳам кузатилади. Бироқ буйрак трансплантациясидан кейин қариш жараёни яна секинлашади.
Янги эпигенетик соатлар олимларга соғлом ва касал тўқималарнинг соғлиғини баҳолашга имкон берди. Улар одамнинг биологик ёши ҳақида энг аниқ маълумотни тақдим этиб, қариган сари тана йўқотадиган ДНК метилацияси белгиларини ўлчашга муваффақ бўлди, деб хабар беради mir24.tv.
