Аргентина соҳилларида 7,4 магнитудали зилзила қайд этилди. Манба 10 км чуқурликда жойлашган, деб хабар берди Европа-Ўртаер денгизи сейсмология маркази.
Чилининг Табиий офатларнинг олдини олиш ва бартараф этиш миллий хизмати (SENAPRED) бироз бошқача маълумотларни тақдим этди.
SENAPRED маълумотларига кўра, зилзила 7,5 магнитудали бўлган. Унинг эпицентри Пуэрто-Уилямс кичик аҳоли пунктидан (Терра дел Фуэго архипелаги) 218 км узоқликда жойлашган.
Ҳодиса сабаб цунами хавфи эълон қилинди.
