Қозоғистоннинг Жамбил вилоятидаги ҳарбий қисм омборида 6та портлаш юз берди.
Ҳарбий объектда ёнғин пайшанба куни соат 19:00 атрофида бошланди. Дастлабки маълумотларга кўра, омборда 500 тонна тротил сақланган.
Кучли ёнғин оқибатида 4 нафар ҳарбий ҳалок бўлди, 49 нафар ФВВ ходими жароҳатланди.
Шифохонага 90 нафар киши олиб келинди, улардан 6 нафари оғир аҳволда.
Омборга яқин ҳудуддан 1200 нафарга яқин аҳоли эвакуация қилинди.
Мудофаа вазирлиги қасддан ўт қўйиш ёки қўпорувчилик бўлиши мумкинлигини истисно қилмаяпти. Шунингдек, версиялар орасида – хавфсизлик талабларини бузиш, ўз-ўзидан ёниш ва кимёвий реакция.
Мудофаа вазири Нурлан Ермекбаев истеъфога чиқишга қарор қилганини айтди.
