Тайвань мудофаа вазирлиги баёнотига кўра, Тайвань қуролли кучлари 24 соат ичида Хитой Халқ-озодлик армиясининг 26 самолёти ва 13 та кемаси оролга яқинлашганини қайд этган.

«11 сентябрь куни соат 05.00 га келиб, Тайвань атрофида Хитой Халқ-озодлик армиясининг 26 та самолёти ва 13 та кемаси аниқланди», — дейилади департаментнинг Х (собиқ Twitter) ижтимоий тармоғидаги баёнотида.

Қайд этилишича, Хитой армиясининг 26 та самолётидан 11 таси, жумладан, олтита J-16 қирувчиси, иккита J-10 қирувчиси, иккита Су-30 самолёти ва битта Y-9 транспорт самолёти Тайвань бўғозининг медиан чизиғини кесиб ўтиб, оролнинг ҳаво мудофаасини аниқлаш зонасига кирган.