Қизириқ туманида яшовчи фуқаро Х.Х. мунтазам равишда валюта савдоси билан шуғулланиб келган. Навбатдаги савдода харидорга ҳар бир АҚШ долларини 10 250 сўмдан ҳисоблаб, жами 5 000 АҚШ долларини 51 млн. 250 минг сўмга сотишга келишади. 4 800 АҚШ долларини 49 млн. 200 минг сўмга сотаётган вақтида Департаментнинг Қизириқ туман бўлими томонидан тезкор тадбир уюштирилди. Тадбир давомида ҳуқуқбузардан жами 4 800 АҚШ доллари ашёвий далил сифатида олиб қўйилган.
Мазкур ҳолат юзасидан ҳуқуқбузарга нисбатан Ўзбекистон Республикаси Жиноят Кодексининг 177-модда 2-қисми билан жиноят иши қўзғатилиб, суриштирув-тергов ҳаракатлари олиб борилмоқда.
