Норвегия, Швеция ва Финляндия қўшин ва техниканинг тезкор ўтказилишини таъминлаш учун ўз ҳудудларининг шимолий қисмлари орқали ҳарбий транспорт йўлаги яратишга келишиб олдилар, деди Норвегия бош вазири Ёнас Гаҳр Стёр.

Аввалроқ Британиянинг Telegraph газетаси манбаларга иқтибос келтирган ҳолда «ер йўлаклари» ривожланиши ҳақида хабар берган эди. Ушбу ҳисоботга кўра, НАТО Eвропада Россия билан йирик қуруқлик уруши содир бўлган тақдирда Америка аскарлари ва зирҳли техникаларини тезда фронтга олиб чиқиш учун бир нечта «қуруқлик йўлаклари» устида ишламоқда.