Оренбург областида Урал дарёсида сув сатҳи кўтарилиши оқибатида юзага келган сув тошқинлари давом этмоқда. Маҳаллий расмийлар 12 апрел куни Оренбургнинг айрим районларида аҳоли ёппасига эвакуация қилинишини эълон қилди.
Маълумотларга кўра, аҳолиси ярим миллион кишидан ошадиган шаҳарда 4963 та томорқа ва 2687 та уй сув остида қолган, сўнгги бир куннинг ўзида 995 та участка ва 361 та уйни сув босган. Қуйида Оренбург ва унинг атрофидаги ҳудудлар бугунги кунда қандай кўринишда экани акс этган суратлар.
