Япония урушдан кейинги энг катта иқтисодий инқирозга дуч келиши мумкин. Бу маълумот биринчи чоракдаги иқтисодий кўрсаткичларни инобатга олган ҳолда тузилган ҳукумат ҳисоботида келтирилди.
Ҳисоботда ялпи ички маҳсулот кўрсаткичи пандемиядан олдин ҳам туша бошлаганлиги таъкидланган: январ-март ойларида ушбу кўрсаткич ўтган чоракка нисбатан 0,9 фоизга, 2019 йил бошига нисбатан 3,4 фоизга пасайган. Коронавирус сабаб бу ҳолат янада ёмонлашиши мумкин. Иккинчи чоракда, Японияда йил бошига нисбатан ЯИМ даражаси 12 фоизга пасайиши кутилмоқда, йил охиригача эса бу кўрсаткич 22 фоизга етиши эҳтимоли бор, дейилади ҳисоботда.
