Европа мамлакатларида аста-секинлик билан карантин чекловлари олиб ташланяпти. Масалан, бугун Италия карантиннинг сўнгги кунини ўтказмоқда. Албатта, бу ерда изоляция чоралари тўлиқ бекор қилинмайди, аммо бугундан бошлаб мамлакатда саноат корxоналари ва қурилиш майдончалари ўз ишини қайта бошлайди.
Якшанба куни Италияда кунлик коронавирус билан боғлиқ ўлим кўрсаткичлари энг паст даражага тушди: 1389 нафар касалланганлар ва 174 нафар вафот этганлар қайд этилди. Бу ўткан кунга нисбатан деярли уч баравар кам. Касалликка чалинганлар ва вафот этганлар сони бўйича Италиядан кейинги ўринда турган Буюк Британия, сиёсатчилар ва шифокорларнинг фикрига кўра, эпидемиянинг энг юқори чўққиси ўтди. Чекловларни бекор қилиш режалаштириляпти. Бу борада режалар бир ҳафта ичида эълон қилиниши кутилмоқда.
Францияда эса ҳали изоляция чоралари бекор қилингани йўқ. Аммо, кўчаларда одамлар ва автомобиллар кўпайиб бормокда. Мамлакат расмийлари карантин бутун мамлакат бўйлаб бир вақтнинг ўзида олиб ташланмаслиги, бу ҳудудлардаги вазиятга қараб амалга оширилишини таъкидлашмоқда.
