Фуқаро А.Х. ва бошқалар олдиндан тил бириктиради ва фуқаро А.Э.нинг ишончига кириб, мўмайгина пул “ишлаш” режасини тузади. Режа марказида фуқаро А.Э.нинг тумандаги “Хушчекка” маҳалласи “Я.Т.Қ.” боғдорчилик фермер хўжалигига тегишли бўлган ер майдонида бунёд қилган турар жойи белгиланади. Туман ҳокимияти ва туман кадастрида ишлайдиган ходимлар орқали “ҳокимнинг қарорини чиқартириб, кадастр ҳужжатларини расмийлаштириб бериш” ваъда қилинади. Эвазига эса…
Департаментнинг Шўрчи туман бўлими томонидан ўтказилган терговга қадар текширув ҳаракатлари давомида уюшган жиноятчиларнинг фуқаро А.Э.дан 1200 АҚШ долларини фирибгарлик йўли билан олганлиги аниқланди.
Мазкур ҳолат юзасидан фуқаро А.Х.га нисбатан Ўзбекистон Республикаси ЖКнинг 168-моддаси 2-қисми “б” банди билан жиноят иши қўзғатилиб, тергов ҳаракатлари олиб борилмоқда.
