Украина президенти Владимир Зеленскийнинг айтишича, бу етарли эмас.

Эрон расмийлари Tеҳрон яқинидаги “Боинг”да  ҳалок бўлган украиналикларнинг оилаларига 80 минг доллар тўлашни таклиф қилишди. Бу ҳақда Украина Президенти Владимир Зеленский  «ТСН Неделя» телеканалига берган интервюсида айтиб ўтди-деб ёзди Mедуза.

«Улар дарҳол ҳар бир марҳумнинг оиласига 80 минг доллардан таклиф қилишди, аммо биз бунга рози бўлмадик. Mенимча, бу етарли эмас. Mарҳумнинг рафиқаси эрининг ёлғиз боқувчиси эканлигини, унинг ишсизлигини ва боласи институтга кириши кераклигини айтиб турганда – 80 минг доллар етарли эмас», – дейди Зеленский.

Унинг қўшимча қилишича, Украина Эрондан катта товон пули талаб қилади, аммо қанчалигини очиқламади.

Tеҳрон яқинида қулаган Украина халқаро авиакомпанияси самолётида 11 нафар украиналик бўлган.

Украина маъмурлари ҳалокат оқибатида ҳалок бўлганларнинг оилаларига 200 минг гривна (8300 доллар) тўлаган. Шунингдек, уларга Украина халқаро ҳаво йўллари томонидан ҳам компенсация тўланиши керак.

Манба: Азия-плюс