Американинг Нью-Брансуик (Нью-Жерси) шаҳрида яшовчи катта ёшли аёл ўзини ўсмир қиздек кўрсатиб, бир неча кун мактабга борган ва у ерда сохта ҳужжатлар билан кирган. Бу ҳақда New Brunswick Today нашри хабар бермоқда.

Мактаб директори Обри Жонсон Таълим кенгашига катта ёшли аёл ўзини ўқувчидек кўрсатиб, қалбаки ҳужжатлар билан рўйхатга олинганини айтди. У мактабга боришни бошлади ва алдов фош бўлгунга қадар тўрт кун ўқиди ҳамда мактабдан ҳайдалди. «Барча тегишли органлар зудлик билан хабардор қилинган ва шахс сохта ҳужжатлар тақдим этгани учун ҳибсга олинган», деди Жонсон.

Фирибгар ўзини 15 ёшда эканлигини айтди, аммо бу шубҳа уйғотди, чунки таълим идоралари вакиллари унинг ота-онаси ёки қонуний вакилининг шахсини аниқлай олмадилар. Ўқишнинг сўнгги куни уни муассаса раҳбарияти вакиллари сўроқ қилганда, аёл гўёки мактабдан ҳайдашни сўраган. Бунга у вояга етмагани учун бинони тарк эта олмаслигини айтишди. Кейинчалик маълум бўлишича, у аслида 29 ёшда экан.

Аёлнинг мақсади номаълум. Мактаб раҳбарияти ўқувчиларга келажакда у билан мулоқот қилмасликни маслаҳат берди.