Анқара айни дамда Финляндия ва Швеция билан уларнинг НАТОга кириши масаласида учрашишдан маъно кўрмаяпти. Туркия ташқи ишлар вазири Мевлут Чавушўғли музокаралар тўхтатилганини маълум қилди, деб хабар бермоқда Reuters.
Вазир, шунингдек, Анқара Хелсинкини алянсга қабул қилиш жараёнини тезлаштириш мақсадида Швеция ва Финляндиянинг НАТОга аризаларини тақсимлаш бўйича расмий таклиф олмаганини, музокаралар давомида Туркия билан ҳеч қандай келишмовчилик бўлмаганини қўшимча қилди.
Аввалроқ Туркиянинг “Родина” партияси раиси ўринбосари Этҳем Санджак Туркия Анқарага қарши провокацион ҳаракатлар туфайли гўёки олти ой ичида НАТОни тарк этиши мумкинлигини айтганди. Ҳукмрон Адолат ва тараққиёт партияси (АКП) бундай режаларни рад этди.
