Англиянинг «Арсенал» футбол клуби ҳимоячиси Пабло Марини Италиянинг Милан шаҳридаги супермаркетлардан бирида пичоқлаб кетишди. Спортчи шифохонада ётибди, дея хабар бермоқда Kazinform.

Мари А Серияда 15-ўринни эгаллаб турган Монца томонидан ижарага олинган футболчи. Жорий мавсумда у 8 та ўйинда иштирок этди ва 1 та гол урди. Испаниялик футболчи 2020 йилда «Фламенго»дан ижара асосида «Арсенал»га ўтган ва 22 ўйинда майдонга тушган.

Айни дамда «Арсенал» клуби маъмурияти футболчи ва унинг оила аъзолари билан алоқада эканликларини маълум қилди.

Италия матбуоти пайшанба оқшомида мамлакат шимолидаги Ассаго туманидаги Milano Fiori савдо марказида содир бўлган воқеадан сўнг 46 ёшли италиялик эркак ҳибсга олинганини хабар қилди.

Полиция гумонланувчининг террорчи эканлигини рад этиб, унинг руҳий касаллиги борлигини айтди.

Эркак Carrefour супермаркетида витринада турган пичоқлардан бирини олиб, кейин одамларга ҳужум қилган. Дўконнинг 30 ёшли ходими шифохонага олиб келинганида вафот этган. Бошқа жабрланувчиларнинг ёши 28 дан 81 гача.