2022 йил 21 август куни соат тахминан 12:00ларда Қашқадарё вилояти Кўкдала тумани «Сойбўйи» маҳалласида яшовчи Э.С. бошқарувида бўлган «Nexia» русумли автомашинага ўрнатилган метан газ баллони тўхтаб турган жойида портлаб кетган.
Вилоят ИИБ берган маълумотга кўра, чақнаши натижасида автомашинага зарар етган, бироқ бирон бир шахс тан жароҳати олмаган.
Айни вақтда мазкур ҳолат юзасидан Кўкдала туман ИИБ ҳузуридаги ТБ томонидан терговга қадар текширув ҳаракатлари олиб борилмоқда.
