АҚШ республикачи сенатори Митт Ромни АҚШнинг собиқ президенти Доналд Трамп Республикачилар партиясидан 2024-йилда бўлиб ўтадиган президентлик сайловида ўз номзодини қўйишини маълум қилди, деб ёзади Daily Mail.
“Республикачиларнинг Трампни қўллаб-қувватлашига путур етказадиган вазиятларни тасаввур қилиш қийин. Шундай экан, агар у 2024-йилда сайловда қатнашмоқчи бўлса, менимча, у муваффақиятга эришади”, — деди Ромни.
Апрел ойида Доналд Трамп Шимолий Каролинадаги митингда 2024-йилги президентлик сайловларида иштирок этиш имкониятини тан олган, бироқ бу ҳақда расмий баёнот бермаган эди.
АҚШ президенти Жо Байден, ўз навбатида, собиқ давлат раҳбари Барак Обамани 2024-йилда иккинчи муддатга сайланиш режалари ҳақида аллақачон хабардор қилган. Мумкин бўлган иккинчи муддат бошида у 82 ёшда бўлади.
Эслатиб ўтамиз, АҚШда навбатдаги президентлик сайлови 2024 йил 5 ноябрга белгиланган.
