Германия 2022-йилнинг 1-августдан Россия кўмирини, 31-декабридан эса Россия нефтини сотиб олишни тўхтатади. Бу ҳақда Германия молия вазири ўринбосари Ёрг Кукис Сиднейдаги анжуманда маълум қилди, деб хабар бермоқда Реутерс.
Кукиснинг сўзларига кўра, Германияда кўмир импортининг ҳам, нефт импортининг ҳам 40 фоизи Россия ҳиссасига тўғри келаётган эди.
“Совет империясининг Шарқий Европадаги қуроли бўлган ЪДўстликъ нефт қувури тарихидан хабардор ҳар бир киши биладики, бу қарамликдан халос бўлиш арзимаган масала эмас, бироқ биз бунга бир неча ой ичида эришамиз”, — дейди Кукис.
Европа Иттифоқи апрел ойи бошида санкцияларнинг бешинчи пакети доирасида Россиядан кўмир импортини бутунлай тақиқлашга рози бўлган эди. Тақиқ 10-августдан кучга киради.
Олтинчи санкциялар пакети доирасида май ойи охирида ЙИ давлатлари томонидан Россия нефтини етказиб беришни қисман тақиқлаш ҳақида келишиб олинган. Эмбарго денгиз орқали нефт етказиб беришга тааллуқлидир (Германия ва Полша эса “Дўстлик” қувури орқали нефт сотиб олишни тўхтатади) ва 2022-йил охиридан кучга киради.
