Андижон вилояти Марҳамат туманида 16 ёшли боланинг қўли гўшт қиймалагичка кириб кетди. Бу ҳақда вилоят Фавқулодда вазиятлар бошқармаси хабар берди.
Маълум қилинишича, Шаҳрихон тумани Ок кўприк маҳалласида яшовчи 2006 йилда туғилган фукаро Н. И.нинг ўнг кўлини Марҳамат туманидаги умумий овқатланиш шахобчаларидан бирида иш фаолият олиб бораётган вақтида эътиборсизлик сабаб ошхона гўшт киймалагичи тортиб кетган. Шундан сўнг у Республика шошилинч тез ёрдам бўлимига олиб келинган ва вилоят ФВБнинг тезкор қутқарув отряди ходимлари махсус темир кесувчи асбоб-ускуналар ёрдамида боланинг қўли чиқариб олинган.
Жарроҳлар билан ўтказилган ушбу жараён бартараф этилишига салкам бир соат вакт талаб этилган. Сўнгги маълумотларга кўра, ҳозирда фукаро Н.И.нинг аҳволи ўртача ва ҳозирда Республика шошилинч тез тиббий ёрдам марказининг жонлантириш бўлимида сақланмокда.
