Тошкентнинг Сергели туманида жойлашган юк автомобиллари дўконида ёнғин содир бўлди. Бу ҳақда EVERYDAY.UZ мухбири хабар қилди.
Маълум бўлишича, ёнғин шу йил 18 февраль куни соат 03:30ларда юк автомобиллари ва эҳтиёт қисмлари дўконида содир бўлган. Соат 03:36да воқеа жойига 7 та ёнғин-қутқарув экипажи етиб борган ва у 04:10ларда бартараф этилган.
Натижада дўконнинг 900 квадрат/метр майдони зарарланган. Жабрланганлар йўқ. Ҳодиса сабаби ва моддий зарар миқдори аниқланмоқда.
