Шифокор Ҳилола Жумаева:
Спленомегалия (талоқ катталашиши) келиб чиқишига цирроз, жигар ўсмалари, сурункали ва ўткир инфекциялар, қон айланишининг бузилиши билан боғлиқ касалликлар, лейкоз, камқонлик сабаб бўлади.
Бунда беморда чап қовурға остида оғриқ ва оғирлик ҳиси, ич қотиши, иштаҳа бўлмаслиги, қорин дам бўлиши, жиғилдон қайнаши, кўнгил айниши кузатилади.
Ушбу белгилар кузатилганда беэътибор бўлмаслик ва шифокорга мурожаат қилиш лозим. Спленомегалияни ўз вақтида даволамаслик қонда ва организмда кўп ўзгаришларни келтириб чиқаради. Даволашнинг турлари бир нечта бўлиб, асосан келтириб чиқарувчи сабабни бартараф этишдан бошланади.
