Президент қарорида Бандихон, Бойсун, Денов, Музработ, Олтинсой, Сариосиё, Узун, Шеробод, Шўрчи, Қизириқ ва Қумқўрғон туманларида болаларни мактабгача таълим ташкилотларига қамраб олиш даражаси пастлиги қайд этилган.

Ушбу камчиликларни бартараф этиш мақсадида:

▪️2022 йил 1 январга қадар «Халқ банки» томонидан оилавий боғчаларга мебель, жиҳоз ва асбоб-ускуналар сотиб олиш учун 30 млн сўмгача субсидиялар ажратилади;

▪️оилавий боғчалардаги болаларнинг максимал сони 50 нафаргача оширилади (ҳозир 25 нафар бўлган) ва уларга 4 нафаргача (ҳозир 2 та) ишчиларни ёллашга рухсат берилади;

▪️2022 йил 1 январга қадар республиканинг барча ҳудудларида оилавий боғчаларга зарур жиҳоз ва анжомларни сотиб олиш учун 30 млн сўмгача 3 йил муддатга 6 ойлик имтиёз давр билан 5 фоизлик кредитлар ажратилади.

▪️100 та давлат-хусусий шериклик асосидаги боғчаларни ташкил этиш учун 7 йилга 2 йил имтиёзли давр билан 5 фоизлик кредитлар ажратилади;

▪️олис ва чекка ҳудудларда жойлашган давлат-хусусий шериклик асосидаги боғчаларга давлат боғчасининг 1 нафар тарбияланувчиси учун сарфланадиган харажатлар суммасининг 75 фоизи миқдорида Давлат бюджети ҳисобидан субсидия тўланади;

▪️давлат-хусусий шериклик асосидаги боғчаларнинг электр энергияси ва табиий газ хизматлари тўловининг 50 фоизини хусусий боғчалар каби Давлат бюджети ҳисобидан қоплаб берилади.