55-Халқаро Менделеев кимё олимпиадасида 7 нафар ўқувчининг барчаси ғолибликни қўлга киритди
2021 йил 20-26 апрель кунлари 28 та давлат ўқувчилари ўртасида 55-Халқаро Менделеев кимё олимпиадаси онлайн тарзда ўтказилди. Ўзбекистон шарафини ушбу олимпиадада 7 нафар ўқувчи ҳимоя қилиб, барчаси совриндорлар шоҳсупасига кўтарилди.
Халқаро олимпиада иккита назария турда ўтказилиб, якуний натижаларга кўра ватанимиз шарафини ҳимоя қилган ўқувчиларимиз 1 та олтин, 4 та кумуш ва 2 та бронза медаллари билан тақдирланди.
Маълумот учун: Ўтган йилги 54-Халқаро Менделеев кимё олимпиадасида Ўзбекистон терма жамоаси 1 та олтин ва 5 та бронза медалини қўлга киритган эди. Бугунги кунгача Ўзбекистон терма жамоасининг ҳисобида 7 та олтин, 20 та кумуш ва 51 та бронза медаллари мавжуд.
Бу йилги олимпиадада мамлакатимиз шарафини муносиб ҳимоя қилган элита ўқувчилар билан танишинг:
Олтин медаль – 1 та
Фирдавс Собиров – Бухоро шаҳар 35-умумий ўрта таълим мактаби ўқувчиси
Кумуш медаль – 4 та
Азимжон Жамолов – Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ўқувчиси;
Собиржон Аманов – Тошкент педиатрия тиббиёт институти академик лицейи ўқувчиси;
Нафиса Нормуродова – Тошкент педиатрия тиббиёт институти академик лицейи ўқувчиси;
Дурдона Мухтархўжаева – Абу Али ибн Сино номидаги ёш биологлар ва кимёгарлар ихтисослаштирилган мактаб-интернати ўқувчиси.
Бронза медаль – 2 та
Икромиддин Боймаҳаммадов – Абу Али ибн Сино номидаги ёш биологлар ва кимёгарлар ихтисослаштирилган мактаб ўқувчиси;
Бегзод Рўзибоев – Тошкент педиатрия тиббиёт институти академик лицейи ўқувчиси.
Бўлғуси олимларимизнинг истиқболдаги ўқиш ва илмий ишларига улкан зафарлар тилаймиз!