Қадимги табиблардан бири Авиценнанинг таъкидлашича, врачнинг касалликни енгиши учун учта қуроли бўлади:

СЎЗ, ГИЁҲ ва ПИЧОҚ.

Эътибор беринг «сўз» биринчи ўринда.

Париж госпиталларининг бирида ёш психолог Эмили Кьи ўз беморларига кунига уч маҳал 10 маротабадан хаёлан ва овозини чиқарган ҳолда «Кундан-кунга мен ўзимни яхши ҳис қилаяпман» деб такрорлашни одат қилган. Гапирганда ҳам шунчаки механик тарзда эмас, балки юракдан чиқариб, чин дилдан айтишган. Нима деб ўйлайсиз, натижа қандай бўлган?

Бир ойдан кейин бу врачнинг беморлари аввал госпиталнинг тиббий персоналлари учун, кейинча бутун Франциянинг муҳокама манбаига айланган. Ажабланарли, аммо факт – оғир беморларнинг бир ой ичида тузалиб кетгани ва, ҳаттоки, уларнинг айримларига жаррохлик аралашувларининг зарурати йўқолгани аниқланган.

Хулоса: қадимги юнон олими Парацельснинг сўзлари тасдиқланган – «ишонч мўжиза яратади».

Инсон саломатлиги – унинг тафаккурини тўғридан-тўғри оқибати ҳисобланади. Яъни инсоннинг руҳий ва жисмоний ҳолатлари ўртасида бевосита боғлиқликнинг мавжудлиги  ҳеч кимда гумон уйғотмайди.

Ёмон нарса хақида ўйласанг – оғриб қоласан.

Психологик қонунларнинг бирида айтилишича: «Севги, симпатия ва қойил қолишни сўз орқали ифодалаш, у кимга йўналтирилган бўлса, шу инсоннинг ҳаётий энергиясини кучайтиради». Қахрли ва ёвуз сўзлар эса тингловчининг энергиясини камайтиради. Ёмон фикрлар билан боғлиқ касалликларнинг умумий сони кундан-кунга ўсиб бормоқда.

Уларга қарши туриш учун, қадимги донишмандлар маслаҳатига қулоқ тутиш керак. Яъни, қанчалик оғир бўлмасин ҳаётдан қувониш керак. Шундай қилиб, инсон соғлиғи, ҳаёти ва тақдири унинг фикрлари билан бевосита боғланган.

Яхшиликни ўйласанг – яхшиликни кут. Ёмонликни ўйласанг – ўйлаганингни оласан.

Инсон доимо ўйлаб юрадиган нарсалар ишончга айланиб, шу нарса содир бўлиши кераклигига замин яратилади ва бу эътиқод амалга ошади.

Шундай экан бугундан бошлаб, яхшилик ҳақида ўйланг, ва яхши нарсаларга умид қилинг.

Юрак инфаркти ва етишмовчилигини профилактика қилиш бўйича мутахассис америкалик кардиолог Роберт Элиотнинг иккита олтин қоидасини келтириб ўтамиз:

Биринчи қоида: Аҳамиятсиз нарсалар учун қайғурманг.

Иккинчи қоида: Ҳамма нарса аҳамиятсиз.