Марказий банк кам таъминланган уй-жой шароитларини яхшилашга муҳтож бўлган оилалар учун берилган субсидия маблағлари мижоз томонидан қайтариб бериладими?, деган саволга жавоб берди.
Cубсидия бу – ипотека кредитлари асосида бирламчи уй-жой бозорида квартираларни сотиб олиш учун бошланғич бадал ва /ёки кредит фоизи харажатларининг бир қисмини қоплаш мақсадида давлат бюджетидан Ўзбекистон Республикаси фуқароси учун банкда унинг номига очилган тегишли ҳисобварағига ўтказилган пул маблағларидир.
Кредит тўловлари ўз вақтида тўлаб борилганда, субсидия маблағлари қайтариб тўланмайди. Яъни бу кам таъминланган уй-жой шароитларини яхшилашга муҳтож бўлган оилалар учун қайтариб берилмаслик тамойили асосида бериладиган маблағлар.
