1918 йилдаги «испанка» грипи ва Covid-19 нинг эпидемиологик хусусиятларини таҳлил қилган моделлаштиришларга кўра, эпидемия икки йил давом этиши мумкин. Бироқ иммунитет чегараси ва даврининг аниқ эмаслиги, асимптоматик ҳолатлар, эмлашларнинг муваффақиятли бўлиш-бўлмаслиги узоқ муддатли прогнозларда хато улушини кўпайтирмоқда. Агар жамият чора-тадбирлардан чарчаса ва улардан эрта воз кечса, вирусга чалиниш ҳолатлари янада кўпаяди, натижада соғлиқни сақлаш тизими ҳамма учун етарли бўлмаган даражада блокланади. Шу боис чора-тадбирларни юмшатиш сиёсати ва бошқаруви ушбу мезонларга мувофиқ бўлиши жуда муҳим.
Covid-19 пандемиясининг давомийлиги 3 омилнинг комбинациясига боғлиқ:
- Иммунитетга эга бўлмаган одам;
- Юқтирувчи одам;
- Таъсирчан алоқа.
Пандемиянинг давомийлигини белгиловчи асосий чора-тадбирлар:
- Иммунитетга эга бўлмаганларни эмлаш;
- Юқтирилган одамларни изоляция қилиш;
- Одамларни карантинда ушлаб туриш;
- Умумий чора-тадбирлар билан ўзаро алоқани минималлаштиришга эришиш.
