Президентимизнинг жорий йил 26 августдаги “Қишлоқ хўжалигига мўлжалланмаган бўш турган ер участкаларини бериш ҳамда архитектура-қурилиш ишларини амалга ошириш тартиб-таомилларини янада такомиллаштириш чора-тадбирлари тўғрисида”ги ПҚ-4427-сон қарорига мувофиқ, 2019 йил  1 октябрдан бошлаб Қорақалпоғистон Республикаси, вилоятлар ва Тошкент шаҳрида қишлоқ хўжалигига мўлжалланмаган бўш турган ер участкалари  тадбиркорлик ва шаҳарсозлик фаолиятини амалга ошириш учун фақат “E-IJRO AUKSION” савдо майдончасида электрон онлайн-аукцион орқали берилиши белгиланди.

Мазкур қарор билан Давлат хизматлари марказларида жисмоний шахсларга “Е-IJRO AUKSION” савдо майдончасида электрон онлайн-аукционда иштирок этиш мақсадида бепул асосда фойдаланиш имконини берувчи Интернет тармоғига уланган компьютер воситалари билан жиҳозланган махсус хоналар ташкил этилади.

Бу каби қулайликлар тадбиркорларнинг вақтдан унумли фойдаланишларига хизмат қилиш баробарида, ортиқча  сарсонгарчиликларнинг олдини олишга қаратилган.