Осиёда коронавируснинг янги тўлқини қайд этилмоқда. Ҳонгконгда 2024 йил апрелидан бери энг юқори касалланиш даражаси кузатилмоқда. Беморлар сони ортиб, шифохоналарга мурожаатлар кўпайган, шунингдек, оқова сувларда вирус миқдори кескин ўсган.

Сингапур Соғлиқни сақлаш вазирлиги 27 апрелдан 3 майгача бўлган ҳафтада коронавирус ҳолатлари 28 фоизга кўпайганини, шифохонага ётқизилганлар сони эса 30 фоизга ўсганини маълум қилди.

Маҳаллий ҳукуматлар жамоат жойларида қайта ниқоб тақишни тавсия қилмоқда.