Коррупцияга мойиллиги бор одамлар ваколати ёки имкониятидан келиб чиқиб, даллоллик, сотувчилик қилишга иштиёқмандлигини намойиш этишади.

Термиз банк коллежи ўқитувчиси Д.Р. коллеж директори ўринбосари орқали фуқарога коллежни битирганлиги тўғрисида диплом олиб беришни ваъда қилади. Бу “меҳнати”нинг эвазига пора тариқасида
600 минг сўм талаб қилади. Департаментнинг Термиз шаҳар бўлими томонидан олинган тезкор маълумотларга асосан ўтказилган тезкор тадбирда Д.Р. айтилган миқдордаги пулни олаётган вақтида ашёвий далиллар билан ушланган.

Мазкур ҳолат юзасидан қонунбузарга нисбатан Ўзбекистон Республикаси ЖКнинг тегишли моддалари билан жиноят иши қўзғатилиб, тергов ҳаракатлари олиб борилмоқда.