Оқ уй АҚШ Халқаро тараққиёт агентлиги(USAID)нинг жаҳон бўйича 10 мингдан зиёд ходимларининг 97 фоизини ишдан бўшатиб, 294 нафарини қолдиради. Reuters агентлиги қисқартириш режаси билан таниш тўрт манбасига асосланиб бу ҳақда хабар берди.
3 феврал куни Вашингтондаги USAID қароргоҳи ёпилган эди. Трамп маъмуриятининг «махсус хизматчиси» Илон Маск харажатларни қисқартириш доирасида агентлик ёпилиш жараёнида эканини айтган.
Аввалроқ Wall Street Journal берган хабарга кўра, Оқ уй соғлиқни сақлаш вазирлигининг минглаб ходимларини қисқартириш устида ҳам ишламоқда.
