Владимир Путин телевидениеда тезкор чиқиш қилиб, халққа мурожаат йўллади.

Унинг айтишича, тунда у барча йўналишлардаги қўмондонлар билан мулоқот қилган.

«Мен россияликларга, ҳарбийлар ва ҳуқуқ-тартибот идораларига ҳамда алдаш ва таҳдидлар билан қуролли исён йўлига ундаганларга мурожаат қиламан.

Россия ўз келажаги учун қаттиқ кураш олиб бормоқда, Ғарбнинг бутун ҳарбий ва ахборот машинаси Россияга қарши қаратилган», деди Путин.

«Махсус операция вақтида ҳар қандай низоларга барҳам бериш керак, энди халқимиз тақдири ҳал қилинмоқда.

Расмийлар Россияда бўлинишнинг такрорланишига йўл қўймайди, биз халқни ҳимоя қиламиз. Биз хиёнатга дуч келдик, ҳаддан ташқари амбициялар Россияга хиёнат қилишга олиб келди”, деди.

Шунингдек, Путин махсус операцияда жанг қилаётган Вагнер жангчиларининг қаҳрамонларини, уларнинг номи ва шон-шарафига исённи уюштирганлар хиёнат қилганини айтди.

«Россия Қуролли кучлари қуролли исённи уюштирганларни зарарсизлантириш учун зарур буйруқ олди, деди у.

«Россия фуқароси сифатида мен мамлакатни ҳимоя қилиш учун ҳамма ишни қиламан, қатъий чоралар кўрилади.

Биз ҳар қандай синовларни енгиб ўтамиз ва янада кучли бўламиз!», деди Путин.