Душанба куни Гонконг қонунчилик кенгашининг асосий кўмиталаридан бирини депутат Старри Ли бошқариши эълон қилинди. Бироқ, унга қарши бўлган мухолифат депутатлар норозилик билдиришган. Оқибатда парламентда катта жанжал юзага келди. Айтиш керакки, қонун лойиҳаларини таклиф қилиш тартибига масъул бўлган, нуфузли қўмитани назорат қилиш учун кураш олти ойдан кўпроқ давом этди. Бу лавозимга Хитой сиёсатини қўллаб-қувватловчи шахснинг тайинланиши эса кўпчиликнинг норозилигига сабаб бўлди. Мухолифат депутатларнинг фикрига кўра, Старри Лининг ушбу лавозимга тайинланиши орқали Хитой ҳукумати Гонконг устидан назоратни кучайтиришга уринмоқда.
