Юта штатида (АҚШ) бир неча болани юриш пайтида чақмоқ урди. Бу ҳақда NBC News телеканали Север округи шериф бошқармаси матбуот хизматига таяниб хабар берди.
Ҳодиса 27 июнь куни туман шарқида содир бўлган. Полиция маълумотларига кўра, момақалдироқ бошланганда эллик нафар бола сайрда бўлган. Қайсидир пайт уларнинг ёнида чақмоқ чақди, шундан сўнг бир неча вояга етмаганлар ўзларини ёмон ҳис қилишди. 7 киши тез ёрдам бригадалари томонидан Салина шаҳридаги тиббиёт муассасаларига ётқизилган.
Икки боланинг текширув вақтидаги аҳволи шифокорларни хавотирга солган. Шериф маълумотларига кўра, шифокорлар уларга “оғир жароҳатлар” ташхисини қўйишган (полиция буни аниқ айтмаган). Шундай қилиб, улар вертолётда Леҳиг касалхонасига олиб кетилди.
