Пандемия сабаб ўрнатилган карантин чекловлари туфайли ноодатий табиат ҳодисалари рўй беришда давом этяпти. Масалан, бир неча йиллардан бери Ҳиндистоннинг шарқий қирғоқларида кўринмаётган тошбақалар бу йил яна пайдо бўлишган.

Мутахассисларнинг фикрича, Ҳиндистоннинг Одиш штатида кўпайиш мавсумини ўтказаётган денгиз тошбақалари камёб турлардан экан.  Ўтган йили бу ерда улар умуман бўлмаган. Бу йил баҳорда эса мутахассислар шундай кичик пляжда 100дан ортиқ тошбақаларни санашган. Aйтилишича, бундай кўп сонли тошбақаларнинг пайдо бўлиши 7 йил олдин содир бўлган.