Европа Иттифоқи мамлакатлари карантин чораларини кучсизлантиришга киришган, шу билан бирга Covid-19га қарши кураш ҳали тугамаслиги ҳақида огоҳлантиришмоқда. Пандемияни ўрганаётган мутахассислар ҳам коронавируснинг иккинчи тўлқини рўй бериши мумкин, деган хулосага келишди.
Европа мамлакатлари санитария ва эпидемиологик вазиятни ҳисобга олган ҳолда карантин чекловларини аста-секин ва эҳтиёткорлик билан олиб ташлашга киришган. Бу ерда касалликка чалинган ва вафот этганлар сонининг камайиши ҳамда иссиқ об-ҳаво бошланиши билан инсонлар ижтимоий масофани сақлаш ва гигиена қоидаларига риоя этишда бироз сусткашликка берилишяпти. Бу эса касалликнинг яна қайта кучайишига сабаб бўлиши мумкин. Европа Комиссияси вакили Европа Иттифоқига аъзо давлатлар мавжуд кузатув тизимларини такомиллаштириш орқали инфекциянинг иккинчи тўлқинига тайёрланиши кераклигини айтмоқда.
Германия илмий-тадқиқот институти мутахассисларининг сўзларига кўра, ҳар бир мамлакатда етарли даражада Covid-19га чалинганларни даволовчи интенсив терапия бўлимлари ва касалxоналар бўлиши керак.
