Магеллан экспедициясининг 500 йиллигига бағишлаб ўтказилиши режалаштирилган дунё бўйлаб саёҳат пандемия сабаб бекор қилинди. Ушбу экспедиция Португалиянинг «Сагреш» кемасида амалга оширилиши керак эди. Мазкур кема ўз миссиясини тугатмасдан туриб Лиссабон портига қайтиб келди.
“Сагреш” кемасининг 5- январ куни бошланган дунё бўйлаб сафари 371 кун давом этишини белгилаган эдилар. Лекин, коронавирус пандемияси туфайли 24- март куни “Сагреш” Жанубий Aфриканинг Кейптаун порти яқинида бўлиб турган вақтида унинг муддатидан олдин қайтиши ҳақида қарор қабул қилинди. Маълумот ўрнида айтиш керак, бир неча Испания кемалари португалиялик Магеллан бошчилигида 1519 йил 20-сентябр куни илк бор дунё бўйлаб саёҳатга чиққан ва 1522 йил 8 сентябр куни Испанияга улардан фақатгина “Виктория” кемаси қайтиб келган. Магелланнинг ўзи эса Филиппинда ҳалок бўлганди.
