Марказий Африка Республикаси: Банги яқинидаги Мпоко дарёсида кеманинг чўкиб кетиши оқибатида камида 60 киши ҳалок бўлди.
Бу ҳақда RFI радиостанцияси маълум қилди.
Унинг қайд этишича, кемада 300 га яқин одам, жумладан, дафн маросимига кетаётган аёллар ва болалар бўлган. 100 га яқин одам қутқариб олинди, бедарак йўқолганларни қидириш давом этмоқда.
Гувоҳларнинг сўзларига кўра, кема бандаргоҳдан чиқиб, дарёнинг ўртасига етиб боргач, деярли ярмига бўлинган. Расмийларнинг фикрича, кема ҳалокатига унинг бортида олиб кетилиши мумкин бўлганидан кўпроқ йўловчилар бўлгани сабаб бўлган, деб хабар беради report.az.
