Қуёшда 13 июнь куни М синфидаги чақнаш содир бўлди ва у 3 соат давом этди. Бу ҳақда «Space» хабар берди.
Чақнаш оқибатида плазма оқими Ерга етиб борган ва Россия шарқида, Австралия, Янги Зеландия, Ҳиндистон ва Осиё-Тинч океани минтақаси мамлакатларида радиоалоқа ва GPS’да узилишларга олиб келган. Қуёш чақнаши АР3032 қуёш доғидан келиб чиққан ва уч соат давом этган.
Мазкур чақнаш ўртажа даражага эга, энг кучли чақнаш X синфи билан ўлчанади. Қуёш отилишининг синфлари ҳар бирида чақнаш кучи тахминан 10 баравар ошиши билан фарқланади. Таъкидланишича, Қуёшда содир бўлган чақнаш Ерда бир неча кун давом этадиган геомагнит бўронларни келтириб чиқариши мумкин.
Аввалроқ NASA мутахассислари 30 апрель куни Қуёшда кучли чақнашни қайд этганди. Шунингдек, олимлар Қуёшда нима учун 70 йил доғ бўлмаганини аниқлаганди. Ҳамда Қуёшда 40 га яқин кучли чақнаш қайд этилган.
