Шимолий Корея етакчиси Ким Чен Ыннинг КХДРнинг энг муҳим байрам шодиёнаси “Қуёш куни”да иштирок этмагани унинг касаллангани ҳақидаги мишмишларни урчитмоқда, деб хабар беради The Times. Сўнгги марта у бундан ўн кун олдин телевидениеда сиёсий бюро йиғинида кўриниш берган. Нашрнинг маълум этишича, “Қуёш куни” Шимолий Корея учун жуда ҳам асосий сана ҳисобланиб, унинг теварагида КХДР доҳийси Ким Ир Сеннинг туғилган куни ҳам нишонланади.

  The Timesнинг қайд этишича, Ким Чен н илгари ҳам вақти-вақти билан телекамералар нигоҳидан ғойиб бўлиб тургани кузатилган, ҳатто 2014 йили унинг вафот этгани, давлат тўнтариши туфайли ағдарилгани ва касаллангани ҳақида гап-сўзлар тарқаган, лекин олти ҳафтадан сўнг у матбуот майдонида яна пайдо бўлганди.

  Келтирилаётган тахминлардан бири шундаки, балким Ким Чен Ын коронавирусдан ҳимояланиш мақсадида ўз ўзини иҳоталашга юз тутган ёки касалликни юқтирган, деб  ёзади нашр. Шимолий Корея ҳали битта ҳам  коронавирус ҳолати қайд этилмаган дунёдаги саноқли мамлакатлардан бири деб кўрилади ,бироқ халқаро кузатувчилар Пхеньяннинг маълумотларини шубҳа остига олади, чунки КХДР давлати Хитой билан жудаям кенг чегарага эга. Бошқа бир фаразга кўра, Шимолий Корея етакчиси ўзи тимсолида аждодларидан кўра , шахсини  қаҳрамон сифатида уқтиришга уриниш  мақсадида диққат тўплаётган бўлиши мумкин.

  The Timesнинг  тағин хабар қилишича, АҚШ ҳукумати КХДР тарафидан амалга оширилиши эҳтимолли кибержиноятлардан огоҳлантириш ҳисоботини чиқарган. Жумладан, ҳисоботда айтилишича, Шимолий Корея киберфаоллиги нафақат АҚШга, балким  дунё ҳамжамияти, бутунжаҳон молиявий тизими барқарорлигига таҳдид солади.