Исроил Бош вазири Биньямин Нетаньяху ҲАМАС ҳаракатининг сўнгги кунлари яқинлашаётганини эълон қилди.

Унинг сўзлари Исроил ҳукумати раҳбарининг Telegram’даги расмий каналларидан бирида келтирилди.

Бош вазирнинг айтишича, сўнгги кунларда ҲАМАСнинг ўнлаб жангчилари қуролларини ташлаб Исроил мудофаа кучларига таслим бўлган. 

«Бу жараён бироз вақт талаб этади. Уруш қизғин паллада, бироқ бу ҲАМАС учун сўнгги кунлари яқинлашаётганидан далолат. Биз охирги ҲАМАС жангчиларини йўқ қилинмагунча давом этамиз. Уларда фақат иккита йўл бор: таслим бўлиш ёки ўлиш», деган Бош вазир.

Шунингдек, у ҳаракат жангчиларини таслим бўлишга чақирди.

Маълумот учун кеча, 20 декабрь куни, Нетаньяхунинг маслаҳатчиси Марк Регев ҲАМАСнинг Ғазо сектори шимолидаги позицияси қулаш арафасида эканлиги ҳақида баёнот бериб, навбат жанубга келаётганини маълум қилди.

“Маълумки, шимолда ҲАМАС жангчиларининг таслим бўлиш ҳолатлари кўп бўлган. Биз у ердаги ҳаракат банкротликка яқинлашаётганига ишонамиз. Жанубда бироз узоқроқ бўлади, чунки у эрда операцияни кейинроқ бошладик», деган Регев.