Пленумда, ЎзМТДП Марказий кенгаши девони раҳбари Акмалжон Жумабаев, Ўзбекистон Республикаси Олий Мажлиси Сенати аъзоси, Олий Мажлис Қонунчилик палатаси депутатлари, маҳаллий Кенгаш депутатлари, партиянинг вилоят Кенгаши ходимлари ва партия фаоллари иштирок этишди. Пленумда кун тартибига асосан бир нечта масалалар муҳокама қилинди.
Дастлаб, “Ўзбекистон- 2030” стратегиясида белгиланган устувор вазифаларнинг мазмун-моҳияти хусусида сўз юритилиб, Халқ депутатлари вилоят Кенгашидаги партия депутатлик гуруҳининг 2023-йил 9 ойлик фаолияти якунлари ва партия фаолиятининг иш самарадорлигини янада ошириш бўйича режалар тўғрисида ЎзМТДП вилоят Кенгаши раиси Сайдулла Абдураимов маъруза қилди.
Унда, жорий йилнинг ўтган даври мобайнида депутатлик сўровларини чиқариш ҳамда депутатларнинг ОАВ билан ҳамкорлиги бўйича бир қатор камчиликлар кузатилганлиги танқид қилиниб, депутатлар фаолликка чақирилди.
Шунингдек, ЎзМТДП вилоят Кенгашининг 2023-йил учун умумлаштирилган сметасининг 9 ойлик ижроси ва бошқа масалалар кўриб чиқилиб, муҳокама қилинган масалалар юзасидан тегишли қарорлар қабул қилинди.
