Марокаш қирғоқлари яқинида ноқонуний муҳожирларни олиб кетаётган кеманинг чўкиб кетиши оқибатида камида 6 киши ҳалок бўлди, дея хабар беради Anadolu агентлиги.
Манбанинг айтишича, бир кун аввал ўнлаб муҳожирларни олиб кетаётган кема тошларга бориб урилган. 6 кишининг жасади топилди, 48 киши тирик қолди.
Муҳожирларнинг туғилган давлати ҳақида маълумот берилмаган.
Аввалроқ, 18 июлда Марокаш расмийлари 900 га яқин ноқонуний муҳожирлар қутқарилгани ҳақида хабар берган эди.
