Сешанба куни Ҳиндистон шарқидаги Ғарбий Бенгалия штатида пиротехника заводида юз берган портлаш оқибатида камида етти киши ҳалок бўлди, беш киши жароҳат олди.
Синьхуа агентлигининг хабар беришича, портлаш Ғарбий Бенгалия пойтахти Калькуттадан 130 километр жанубда жойлашган Шарқий Миднапур туманидаги Эгра туманида содир бўлган.
Ҳуқуқ-тартибот идораларига кўра, завод турар-жой биноларидан бирида ноқонуний жойлашган. Жароҳатланганлар зудлик билан яқин атрофдаги тиббиёт муассасасига етказилган.
Портлаш натижасида пиротехника заводи жойлашган бино бутунлай вайрон бўлган.
Ғарбий Бенгалия бош вазири Мамата Банержи воқеа сабабларини аниқлаш учун тергов бошланганини маълум қилди.
