Мамлакатимизда Хотира ва Қадрлаш кунига тайёргарлик тадбирлари қизғин паллага кирди.

“Маҳалла” хайрия жамоат фондининг вилоят бўлими бошқаруви  вилоятдаги ёши улуғ кексалар, меҳнат фахрийлари ва боқувчисини йўқотган оилалар ҳолидан хабар олиниши, ҳамда уларга байрам совғалари берилишини режалаштирган.

Шунингдек, бугунги тинч ва осойишта кунларимиз учун жон фидо қилган, ўз ҳаётини қурбон қилган ватандошларимиз хотирасини ёд этиш мақсадида фонд ташаббуси ва ҳамкорлар  кўмагида ташкилот ва муассасалар, маҳаллалар ва йўлларда ҳамюртларимизга рамзий лентани эҳтиром билан тақиб қўйишмоқда.